- Kat kum ka jingshem jong I kong Dr. Biloris L. Lyndem, kaba la pynmih ruh ha ka kot khubor TELEGRAPH 3rd April 2001, na ki 179 ngut ki kynthei Khasi ba I kylli jing kylli (interview) baroh ki jubab ba lah ba ioh lok da u shynrang bym dei u Khasi bad kawei na ki daw bah ka long ka jing bun palat ki kynthei khasi ki ba shah pynkit khunrei khlem da ai bai bam. (Sa pule ruh ia kaba mih ha ka Shillong Times 28th Jan 2018)
- Lah nang bun ki kynthei Khasi kiba shongkha ia ki bym dei ki Khasi. Ka shongkha khleh ka don ha ki jaidbynriew baroh kawei ka pyrthei, hynrei balei ka jur ha ka jaidbynriew jong ngi?
Kaei ka daw ba ka kylla long kumne?
- Ka jing bun palat ki kynthei Khasi kiba kit khunrei bad khlem da ioh bai bam na u lok uba la phet.
- Ka jing sdang bun ki lok Khasi (shynrang Khasi) kiba iap noh khlem dei por (kiba bun ki kynnoh ba dei ka kyaid) bad ieh lok khynnah (young widows) noh ia ki kynthei Khasi ban kit marwei ia ki khun, khamtam lei lada kine ki kynthei ki wan na ki longing kiba duk.
Kaei kaba mih na kane?
- Kane ka jingbun palat jong ki kynthei Khasi kiba kit khunrei (khamtam sha nongkyndong lei kiba bun khun) bad ki bym ioh bai bam/maintainance, ka pynshong syier, ka pynmih ka jingtieng ia kiba bun ki kynthei Khasi ban ioh lok da u shynrang Khasi “katkum ka kotkhubor TELEGRAPH 3rd April 2001”.
- Dei hangne kein ba kito ki shynrang bym dei ki Khasi kiba kwah shim kabu ki ioh lad bad ki shim kabu ruh namar ba ka don ka jingmyntoi na ka rukom ioh pateng bad jinglong S.T.
Balei ka leit jia kumne?
- Ha ka jaidbynriew ai jait kmie jong ngi , ha kaba ka kam shongkha shongman ruh kam da pyrkhing ban da iathoh iatar (compulsory registration of marriage), ka long kaba suk ia u shynrang ban mih noh na kane ka jingia shongkha (very easy for a man to walk out of a marriage) bad khlem da ai bai bam (maintainance) namar ki niat beit sha ka kur jong ka lok da kaba ai daw ba ki khun kim dei ki jait jong u ki dei jong ka lok. Ngim lah ban kynnoh than ia ki shynrang, namar haba ka dustur ka ai lad, u bym don jingkitkhlieh u shim kabu.
